Gustave Le Bon

Gustave Le Bon

Nassù dël 1841 a Nogent-le-Retrou an Fransa, a l'é avosà dzortut për la nassita dla psicologìa dla furfa,
a l'é an efet stàit ël prim a studié 'l comportament dla gent ansem.

A l'era ativ an manca 'd soget, tanme sociologìa, antropologìa, fìsica e psicologìa l'ha virà l'Euròpa, l'Àsia e 'l Nòrd Àfrica.
A l'é mòrt dël 1931 a Marnes-la-Coquette an Fransa.

Psicologìa dla furfa

Andi dla furfa

Chiel a mostra 'me la furfa as compòrta pa 'me l'ansem dle përson-e da sole, a l'é na entità diferenta.
La furfa a l'é fogosa e pa rassional, a ëntreiva le imàgine e le mistà, ma pa ij concet rassionaj.

Për sta rason a l'é chërdenson-a e a depassa minca emossion, përché a conòss pa le mese mzure.

Mné la furfa

A sarìa da fòl  prové a parlé 'me a na përson-a rassional a la furfa, përché sta sì as sent dëscavalcà e ofendùa.
Chi a veul mné la furfa, a deuv dovré tre mojen: fortì, arpetission e contagg.
  • Fortì: dì le còse sensa mai dimostrele ò dì "Miraco". A venta fortì dj'assiòm;
  • Apretission: la mìdema còsa arpetùa mila vire a smija na lese dël mond e pa pi n'ideja 'd cheidun;
  • Contagg: a-i é da manca 'd dontré ch'a diso na còsa, ant la furfa a sarà belfé che tùi a la arpetëran për contagg, për lese d'imitassion, tanme ant le sumie.
La furfa a l'ha da manca d'un mneur, ch'a rispeta le mira 'd dzor.
Sto mneur a peul esse un polìtich ò un publicitari.

Lìber

Sò lìber Psicologìa dla Furfa a l'é surtì dël 1895 e a l'é atestà ch'a fussa stimà da përsonagi 'me Benito Mussolini, Iosif Stalin e da Adolf Hitler, ch'a l'ha scrivù dontré part dël Mein Kampf  an copiandle da Le Bon.
Ëdcò 'l pare dle pùbliche relassion, Edward Bernays a l'ha lesù e stimà sto lìber.

Àutri camp

Antropologìa

A l'ha anventà un cefalòmeter sacociàbil për mzuré 'l crani dle përson-e con tre dimension, dovrà ant l'eutsent an atropologìa.

Fìsica

A l'ha teorisà l'esistensa dla lus nèira, part dij tratà sientìfich dij temp, ma mai verificà ò arconossùa da la siensa moderna.

Commenti

Posta un commento

Element pi lesù

Piemontèis d'Argentin-a

Immagine
Le përson-e d'adoss piemontèisa an Argentin-a a son stimà an pi 'd 3 milion, dzortut an leu 'me Rosario , Córdoba , San Francisco e Santa Fe , ant la zon-a stranomà Pampa Gringa . Stòria L' Argentin-a a l'é un dij paìs andoa a son migrà pi piemontèis, an efet, ël paìs sudamerican a sërcava paisan da l'Euròpa për popolé ij sò camp veuid, antratan che manca piemontèis a fasìo la fam an Italia. Trames ël 1875 e 'l 1914, a son rivà an Argentin-a, ant le province paisan-e San Francisco de Córdoba e Santa Fe , na patlà 'd piemontèis, che an dontré leu a rivava a fé l'80% dla popolassion total. La gent dël Piemont, rivà an Argentin-a, a l'é adatasse a le condission ambelelì e a l'é fosonà. A son stàit donch batì dai piemontèis d'Argentin-a, vilar tanme Nuevo Torino, Sastre e Silvio Pellico . Ancheuj ij piemontèis d'Argentin-a a l'han auteur ëd lor adoss, an organissand feste con mangé tìpich piemontèis, tramandà dai lor cé, dontré a p...
Read more »

Turin

Immagine
Sità piemontèisa d'apopré 850.000 abitant. A l'é capleu d la region Piemont e dl'omònima sità metropolitan-a. A l'é la quarta sità pi popolosa d'Italia, a l'è avosà ant  ël mond p ër le viture, la sìndon,  ël gianduja,  le Olimpìad invernaj d ël 2006,  ël Musé Egissi  e la Mòle Antonelian-a . Geografia Turin a l'é bagnà da 4 fium: Pò, Sangon, Dòira Rivaria e Stura'd Lans . Scasi tuta la sità a l'é piassà a òvest dël Pò, a est a-i son ij Brich Turinèis; ambelessì as trova ël cò màssim dla sità, ël  Bric dla Madalen-a (715m s.l.m.). Stòria Principi Turin a pija  ël nòm da la popolassion dij Taurin , na popolassion Celt-Ligurin-a, ch'ambelessì a l'avìa batì lor capital Taurasia . Ij Taurin a j'ero aleà Roman, e a son stàit d ërotà dai Cartaginèis d' Annibal d ël 218 aGC. Ij Roman a l'han fondà Augusta Taurinorum , a l'inissi con funsion militar, andoa as ancamina la stòria  ëd Turin. Età 'd mes Apress  ël robaton dl'Am...
Read more »

Tuchinagi

Immagine
Arvira dësvlupasse an Canavèis , dël sècol ch'a fa 14, dzortut vzin a le Alp contra 'l tròp podej dij fëodatari  Valperga e San Martin . Achit Ij paisan canavzan a j'ero strach dl'esagerà podej dij fëodatari, an particolar taje arbitrà, travaj obligàtori a gràtis (corvée) e prèteise sl'ardità dij paisan ch'a l'avìo nen dj'ardité mas-cc. J'abitant dle sità dla pianura, tanme Ivreja a son restà strangé a l'arvira, an godend ëd drit a diferensa dij paisan. Dësvlup Dal 1386, ij paisan e viton a son ancaminasse a taché e dësblé ij castej dla noblëssa. Ij Savòja a son antervenù mach na vira, sensa arzultà, për tëmma 'd perde àutre tere dlicà. Conseguensa Na ciambrea dël 1391, tra Savòja , Valperga, San Martin e rapresentat dij paisan a l'ha butà fin a l'arvira e stabilì dij lìmit al podej dij padron fëodatari, e la possibilità 'd ciamé agiut ai Savòja për ij paisan, ant ël cas a fusso sbergeirà. Ij Savòja a l'han vagnà rispet e a...
Read more »