Mach Piemontèis

Trìo 'd còmich e ator nassù a Milan e avosà an tuta Italia. Gioann e Giaco a son d'adoss lombarda, antratan che Aldo a l'é 'd famija 'd Palerm ma chërsù a Milan. La nos dël grop a armonta al 1980, cand Gioann e Aldo as conòsso fin da giovo. Giaco a l'é unisse dël 1991, dënans a l'era scaudà dal cabaret ma 'dcò ativ politicament tra le ghërse dël partì d'estrema manca Democrazia Proletaria . Ij tre a son avosà për lor spetàcoj a teàter ma 'dcò për dontré film . Aldo, Gioann e Giaco as badino soens tra lor, për esempi përchè Aldo a l'é un mandarin e Giaco a l'é bass. A dòvro 'dcò soens dij mòt dla lenga lombarda , antratan che Aldo a fa finta 'd parlé con l'acent sicilian, cand chiel a l'ha n'acent milanèis paid j'àutri doi. Sla sfera privà, Ald a l'é nen motobin ativ sla ragnà, antratan che Gioann a fa dij vìdeo andoa a parla 'd piante e travaja an campagna; Giaco a l'é passionà d' art . Ël trìo a ...

Nassù dël 1897 a Ël Borg ëd San Martin , an provinsa 'd Lissandria , a l'é stàit bocseur, ator e cantant lìrich . Fieul d'un paisan e mërcant ëd vin, a l'era tramudasse a Milan da fiolòt, andoa a l'é ancaminasse a dësvlupé soa passion për la scultura , fin-a cand a l'ha vëjù l'abòrd final tra Jack Jonhson e Jim Jeffries al cine, an-namorendse dla bòcs . Tanme bocseur a l'ha vagnà 'l tìtol dij Paìs Interaleà dël 1919, l' italian dël 1920 e l' europengh  dël 1923, prim italian a felo , con tant ëd felicitassion da Mussolini. A competìa ant la categorìa dij pèis màssim . Na vira artirasse da la bòcs a l'é ancaminasse ant la cariera dël cine, partessipand an 53 film e ant ël carosel dël Brandy Fabbri, con regista tanme De Sica e Risi . A l'ha 'dcò seguità soa passion për l'art, an fasend ël cantant lìrich a teàter , ël pitor e lë scultor . Spalla a l'ha 'dcò combatù ant la prima e la sconda guèra mondial; tanme fantassi...