Post

Visualizzazione dei post con l'etichetta Esplorator

Gioann Caboto

Immagine
Nassù anviron al 1450, miraco a Gaeta , a l'é avosà 'me un dij prim esplorator a rivé an Nòrd dla Mérica . Caboto a l'é arnomà dzortut për sò travaj con j' Anglèis : l'achit ëd lor colonissassion dël continent. Da giovo Caboto a l'é andàit a vive a Venessia , ai temp capital d'un-a motobin amportanta repùblica dël mar: belessì l'esplorator a l'ha travajà 'me mërcant e matlòt. Anviron al 1493 chiel a l'é tramudasse a Bristol , an Anghiltèra, përché a stasìa scapand dai venessian , ch'a lo volìo përché chiel a l'avìa piantà 'd ciòv. Belessì Caboto a l'ha coltivà la reverìa 'd na patlà 'd mërcant, visadì 'd podej comersié con le Indie an passand da ossident. L'esplorator a l'ha proponù na drita diferenta da cola 'd Colomb , ch'a passava da Nòrd: sò pensament a l'ha anteressà re Enrich VII d'Anghiltèra , ch'a l'ha finansià soa spedission. Viagi Ël prim viagi a l'é stàit dël 1496, ma ...

Cristòfo Colomb

Immagine
Nassù dël 1451 a Genoa , a l'é stàit un navigator e esplorator, avosà për la dëscuèrta dla Mérica dël 1492. Fieul d'artisan genoèis, ëdcò se l'adoss a l'é disputà tra Cogoleto e Ëspagna. Colomb a l'ha fàit ël matlòt da motobin giovo, an pijand part a doe spedission genoèise a Chio an Grecia e a un-a për le Fiandre, ch'a l'é stàita tacà dai corsar fransèis e a l'ha dovù arfugesse an Portugal. A l'ha virà 'dcò tra ij pòrt ëd Bristol e Galway (Gales e Irlanda) e scond ij sò test a l'é rivà an Islanda, an ciamandse se 'l mar ëd Norvegia ch'a l'avìa traversà a fussa part d'un oséan pa conossù. A l'ha peuj pijà part a na spedission portughèisa an Ghana, an amparand a dovré l'astrolabio. Colomb a l'era sicur ëd rivé an India, an navigand për l'oséan Atlantich nopà che l'Indian. La rason a l'era l'amper Otoman, ch'a tajava le nav europenghe ch'a comersiavo con l'orient. A l'ha calcolà mal ij...

March Pòlo

Immagine
Nassù dël 1254 a Venessia , a l'é stàit un mërcant, ambassador e esplorador , avosà për ij sò viagi an Asia contà ant sò lìber " Ël Milion ". Fieul ëd na famija 'd mërcant , a l'é stàit chërsù an amparand l'art dël comersi a Venessia , antratan che sò pare a l'era a la cort dël sovran mòngol Kublai Khan . Dël 1271, March a part ansem al pare e al barba , vers la Cin-a 'd Kublai Khan , an passand për la via dla seda . Na vira rivà an Cin-a , Kublai Khan a l'ha arseivelo con piasì, an stimand soa anteligensa, e belessì ij Pòlo a restëran për 17 agn. March Pòlo an Cin-a a l'ha travajà 'me diplomàtich e a l'ha virà na patlà 'd zon-e dël paìs, an contand dël dovragi dël papé moneda, dla richëssa cinèisa e dle strà smisurà visavì a le europenghe. Dël 1295, apress 20 agn da l'achit ëd sò viagi, Pòlo a l'ha alvà le ancre e a l'é tornà an Euròpa via mar, an passand për Océan Indian , an avend ëdcò compagnà na principëssa mòngol...

Ibn Battuta

Immagine
Nassù d ël 1304 a Tanger , an Maròc , a l'ha studià lej, fin-a cand a l'ha fàit  ël romé vers La M ëcca a 21 agn. Ël viagi, ch'a dovìa esse 'd 16 mèis, a l'ha armudalo: Ibn a viag ërà p ër 120.000 km, pi 'd March Pòlo . An achit a viagia p ër  ël mond àrab , peuj an Turchìa, Àsia Sentral, Cin-a e India e la fin a Granada e an Mali . Chiel a trovava travaj ant ij leu andoa andava tanme giùdes ò diplomàtich,  mersì a soa preparassion. Cand a l'é tornà an Maròch,  ël sultan a l'ha ordinà a un fiolòt  ëd scrive tute le memòrie dij viagi 'd Battuta, tenùe dnans  ël Rihla , soens considerà da j ë studios pa precis p ërché basà mach sla memòria dl'òm.