March Pòlo

Nassù dël 1254 a Venessia, a l'é stàit un mërcant, ambassador e esplorador, avosà për ij sò viagi an Asia
contà ant sò lìber "Ël Milion".

Fieul ëd na famija 'd mërcant, a l'é stàit chërsù an amparand l'art dël comersi a Venessia, antratan che sò pare a l'era a la cort dël sovran mòngol Kublai Khan.

Dël 1271, March a part ansem al pare e al barba, vers la Cin-a 'd Kublai Khan, an passand për la via dla seda.

Na vira rivà an Cin-a, Kublai Khan a l'ha arseivelo con piasì, an stimand soa anteligensa, e belessì ij Pòlo a restëran për 17 agn.

March Pòlo an Cin-a a l'ha travajà 'me diplomàtich e a l'ha virà manca 'd zon-e dël paìs, an contand dël dovragi dël papé moneda, dla richëssa cinèisa e dle strà smisurà visavì a le europenghe.

Dël 1295, apress 20 agn da l'achit ëd sò viagi, Pòlo a l'ha alvà le ancre e a l'é tornà an Euròpa via mar, an passand për Océan Indian, an avend ëdcò compagnà na principëssa mòngola an Persia.

Sò viagi a l'é stimà anviron ai 24 mila km.

An Euròpa a l'ha apress combatù la bataja 'd Curzola, tra Venessia e Genoa, an finend ant na catafus tanme përzoné 'd guèra dël 1298.

Belessì a l'ha fàit scrive sò lìber Ël Milion da Rustichel da Pisa, an lenga franca-vèneta, avosà da tavòta për soe descrission soagnà dl'Asia, ch'a l'han ispirà 'dcò esplorator futur.

March Pòlo a l'é spirà dël 1324 a Venessia, për maladìe gropà a la veciaja.