Talmone

Usin-a 'd cicolata e cacao fondà a Turin dël 1850 da Michele Talmone.
A l'era avosà për soe tòle con tacà la mistà dij doi vej e le publicità al carosel.

Stòria

Nassù tanme pcita bòita an via dj'Artist a Turin dël 1850, a l'é spantiasse an tramudandse an quarté San Donà.

Soa chërsùa a l'era an causa a l'anteress dl'antraprèisa, motobin inovativa an camp publicitari, 'd batì tòle con plance inconfondìbile: la mistà a l'era la plancia dij doi vej.

L'antrapreneur Riccardo Gualino, dël 1924 a l'ha batì Unica, an unend le andustrie 'd cicolata italian-e, tra coste: Moriondo&Gariglio, Dora Biscuits, Cioccolato Bonatti, Gallettine e Talmone.
Dël 1926 la neuva antraprèisa a l'é armudasse an piassa Massaua.

Dël 1931 Unica a l'é stàita arlevà da lë stat, për esse peuj vendùa a Venchi dël 1934, an batend la Venchi-Unica, peuj Venchi-Unica-Talmone dël 1960.

Talmone a managiava tante bòite monomarca, tant ëd costi a l'han seguità lor atività 'dcò apress ël faliment ëd Venchi-Unica-Talmone, an mantenend ël midem nòm.