Metropolitan-a 'd Turin
Lìnia 'd condota sot-terà, prima an Italia mnà automaticament e l'ùnica a dovré mojen dzor goma, ciamà VAL.
A smon mach na lìnia, ch'a part da Colegn (Fermi) e a finiss a Moncalé (Bengasi), për un total ëd 23 fërmà, spantìa për mità an orisontal e për mità arlongh ël Pò, dzor cors Fransa, Anghiltèra, Vitòri Emanuel III e via Nissa.
Ij tren a son fàit ëd 4 vagon, ch'a viagio a n'andi 'd 32 km l'ora e ch'a passo për le stassion minca 69 scond ant l'ora 'd cò; tuta la rèj a peul logé 15.000 përson-e l'ora.
A smon mach na lìnia, ch'a part da Colegn (Fermi) e a finiss a Moncalé (Bengasi), për un total ëd 23 fërmà, spantìa për mità an orisontal e për mità arlongh ël Pò, dzor cors Fransa, Anghiltèra, Vitòri Emanuel III e via Nissa.
Ij tren a son fàit ëd 4 vagon, ch'a viagio a n'andi 'd 32 km l'ora e ch'a passo për le stassion minca 69 scond ant l'ora 'd cò; tuta la rèj a peul logé 15.000 përson-e l'ora.
Stòria
Neuvsent
Ant j'agn 20, Riccardo Gualino a sustava na galerìa e na relativa metropolitan-a sota a via Roma, mai realisà, un prim tentativ a l'é capità durant ël fassism, na galerìa peuj dovrà 'me postegg.
A l'é tornasse a pensé a la metropolitan-a për Italia 61, peuj tanme mojen për lijé j'ovrié 'd FIAT a Mirafior; bandonà dal sìndich ëd Turin Novelli përché caristos.
La sità a l'ha donch dovù sosten-esse dzor lìnee 'd metropolitan-e lingere, tanme ël tranvaj 3.
Realissassion
Dël 2000 a l'é ancaminà ël batiment dla metropolitan-a sot-terà: da Fermi a Pòrta Susa, an vëddùa dle olimpìad invernaj dël 2006, tnue a Turin.
Dël 2006, la lìnia a l'é stàita deurbìa dal neuv nassù GTT.
Jë spantiament a son capità:
- dël 2007, fin-a Pòrta Neuva;
- dël 2011, fin-a Lingòt;
- dël 2021, fin-a Bengasi (Moncalé)
- a son an cors ij travaj për lë spantiament fin-a Cassin-e Vica, antivëddù për ël 2027, an artard dal 2024.
Pensament për sò futur
Lìnia 2
Pensà për gropesse a la lìnia 1 a Pòrta Neuva, an andand an vertical, an lijand na trata da Orbassan a sud a doi branch ch'a porto un a Rebaudengh e un a Pescarito.
Ant ij prim pensament, ël branch për Pescarito e la part dòp Mirafior vers sud a son considerà tanme spantiament d'un di.
Dij leu anteressà a son Orbassan, Pasta, Mirafior, Santa Rita, Stadi Olìmpich, Zappata, Politècnich, Mòle (sènter), Bariera 'd Milan, Barca Bërtòla e Pescarito.
Commenti
Posta un commento