Gioann Caboto
Nassù anviron al 1450, miraco a Gaeta, a l'é avosà 'me un dij prim esplorator a rivé an Nòrd dla Mérica.
Caboto a l'é arnomà dzortut për sò travaj con j'Anglèis: l'achit ëd lor colonissassion dël continent.
Da giovo Caboto a l'é andàit a vive a Venessia, ai temp capital d'un-a motobin amportanta repùblica dël mar: belessì l'esplorator a l'ha travajà 'me mërcant e matlòt.
Anviron al 1493 chiel a l'é tramudasse a Bristol, an Anghiltèra, përché a stasìa scapand dai venessian, ch'a lo volìo përché chiel a l'avìa piantà 'd ciòv.
Belessì Caboto a l'ha coltivà la reverìa 'd na patlà 'd mërcant, visadì 'd podej comersié con le Indie an passand da ossident.
L'esplorator a l'ha proponù na drita diferenta da cola 'd Colomb, ch'a passava da Nòrd: sò pensament a l'ha anteressà re Enrich VII d'Anghiltèra, ch'a l'ha finansià soa spedission.
Viagi
Ël prim viagi a l'é stàit dël 1496, ma a l'é sfrasasse marlàit apress l'achit, an càusa al brut temp e la dëscòrdia ant la cochinaja.
Caboto a l'ha torna alvà le àncore dël 1497 e sta vira a l'é riussì a rivé ant le còste dël Canadà d'ancheuj, precisament a Teraneuva, anans pa conossùa da j'europengh.
Da sì chiel a l'ha esplorà la broa për apopré un mèis, an passand miraco për Labrador e 'l nòrd est djë Stat Unì dla Mérica, an contand ëd gròss bòsch e na patlà 'd merluss.
Soa spedission a l'é stàit stimà an Anghiltèra, tant da dejene n'àutra, con na flòta 'd 6 nav e apopré 200 òm.
Sto viagi a l'ha mai fàit artorn a ca: probabilment Caboto e soa cochinaja a son mòrt ant ël mes dl'Oséan Atlàntich.
Ardità
Caboto a l'é stàit ël prim esplorator mandà da j'Anglèis a buté pé a tèra merican-a.
Sò fieul Bastian a l'é stàit a soa vira esplorator për Anglèis e Spagneuj.

Lassa un coment se a l'é piasùte l'articol! <3
RispondiElimina