Fera Frèida dël Borgh
Fera ch'as ten minca ann a Ël Borgh, an provinsa 'd Coni, dai 'd 5 dzémber, festa dël patron, për 3 di.
A l'é na fera dël mangé, dedicà a le limasse, ch'a son servìe an dontré fassòn: a la parisin-a, a la borgognon-a, con bagna càuda, ai bolé, al sigalin, fricassà con fondùa, verde, a la borgarin-a, con ajé e a la cartonera.
A l'é 'dcò possìbil trové banch ch'a pronto àutre galuparìe tìpiche 'd lor comun-e, dzortut dle Vaj Ossitan-e, 'me la tenca an carpion e l'ola al forn.
Oltra che 'l mangé, a-i é 'dcò la possibilità d'abordé e 'd parlé con j'anlevator ëd limasse.
L'ëspece anlevà a l'é l'Helix Pomatia Alpina, ch'a viv pròpe sle Alp Marìtime, dont Ël Borgh a l'é aval.
Stòria
La Fera Frèida a l'é motobin veja, soa adoss a armonta al 1569 cand sota concession dël duca 'd Savòja Testa 'd Fer, Ël Borgh a l'ha podù logé na festa patronal për 3 di.
A l'era un leu d'abòrd për tùi ij ciai e le përson-e dle vaj.
Le fasson pi tìpiche 'd ragoté le limasse a j'ero con ajé ò a la cartonera, visadì con na bagna picanta con aj, euli, sal e pèiver, ch'a piasìa ai cartoné, coj ch'a mnavo 'l carton soens an Fransa e as fërmavo a mangé a l'òsto.
Commenti
Posta un commento