Ast
A l'é avosà për sò vin, soe trìfole e sò palio.
Geografìa
Ast a l'é bagnà dal Tani e da le dòire Bòrbo e Versa ch'aj confluisso ambelessì.
La sità a dësponta tra le colin-e dël Monfrà e dle Langhe, ant ël sènter geogràfich dël Piemont.
Stòria
Roman
A l'é stàita fondà dai Roman e a l'era na fiorissanta sità comersial.
Lìbera comun-a (ëdcò Republica d'Ast)
Ast a l'é stàita un-a dle prime lìbere comun-e d'Italia, dal 1095. A l'ha dëslvupà na tradission bancaria e na rèj ëd banché spantià an tuta Euròpa, an batend ël cognòm "Lombard", ch'a deliniava na përson-a dël nòrd Italia (dont la Lombard Bank).
Era fiorissanta - La sità dle 100 tor
La republica a governava dzora l'atual provinsa, a podìa bate pròpia moneda e minca famija nòbila a batìa soa tor (125 totaje) e lor cafòrt. A l'ha pijà part an tute le crosià.
Robaton
Le nimicissie tra Guelf e Ghiblin a l'han rabastà la sità a esse giontà da j'Angiò dël 1342, a l'han seguità ij Viscont e ij Savòja. La pi gròssa part dla richëssa e dle tor a son stàite dësblà.
Savòja
Ij Savòja a l'han ardità la republica 'me fëod da part ëd Beatris dël Portugal tanme fardel sentè 'l mariagi con Carl II ëd Savòja dël 1531.
Republica Astësan-a
Possà da le anfluense giacobin-e, dël 1797, Ast a l'ha fortì soa indipendensa ch'a l'é durà 2 di.
Tòch distintiv
- A l'é nassù a Ast lë scritor Vitòri Alfé.
- Ël palio d'Ast a l'é pi vej ëd col ëd Sien-a.
Commenti
Posta un commento