Mustafa Kemal Atatürk

Nassù dël 1881 a Tessalònich, ancheuj an Grecia, a l'é stàit ël pare fondator dla Turchìa.

A l'é chërsù sota l'Amper Otoman; a l'ha studià a la scòla militar e a l'ha vagnà rispet ant la bataja 'd Galipoj.

Apress la prima guèra mondial l'Amper Otoman a l'era fiach an càusa a la dërota e 'l partagi tra le potense europenghe e gavà 'd manca soe part.

Mustafa a l'ha donch mnà 'l Moviment Nassional Turch, contra j'invasor europengh e 'l sultan. 

Chiel a l'ha donch pijà 'l podej dël 1922, an batend la Repùblica Turca l'ann apress.

A l'é stàit rivolussionari 'dcò për soe decision polìtiche pendant sò mandà, amportante soe arforme a son stàite:

• Separassion tra religion e Stat e nassita dlë stat làich;
• Drit a le fomne e sufragi universal (bin dnans dl'Italia);
• Avzinament a la cultura europenga, nassita dij cognòm turch e arlev dl'alfabet àrab an agreman ëd col latin. 

Mustafa a l'é stàit stranomà dal parlament "Atatürk" visadì "Ël pare dij turch". 

A l'é mòrt dël 1938 për sirosa a Istanbul, flambà da l'alcol e dal fum che chiel a l'avìa 'me vissi.