Jaxa

A l'é stàit un pcit stat esistù tra 'l 1665 e 'l 1674 a l'atual finagi tra Russia e Cin-a.

Geografìa

Piassà sla riva nòrd dël fium Amur, tra Sibèria e Mansuria, a l'avìa na surfassa 'd pòch km².

Stòria

Achit

Soa fondassion a l'é gropà al nòbil polonèis Nicefor Czernichowski, ch'a l'era stàit fàit përzoné dai russ dël 1633, apress la guèra 'd Smolensk tra Confederassion Polonèisa Lituan-a e Russia.

Agn pi tard, apress soa liberassion, un voivòd a l'avìa violà soa fija, donch për arvangesse, Nicefor a l'ha flambalo.
Da cost moment l'òm a l'era arsërcà dai russ, donch a l'é scapà vers orient, andoa ij russ a l'avìo già batì në stabiliment: Albazino, peuj dësblà dai cinèis.

Fondassion

Dzora ij drocheri d'Albazino, ël polonèis a l'ha batì na neuva sità e a l'ha proclamà lë stat ëd Jaxa dël 1665, ansem a cambrade da diferente part dl'Euròpa e ij locaj Daur.

Lë stat a l'é rivà a conté 500 abitant, a l'era arconossù da Fransa e Paìs Bass e a l'era giontasse a la Russia tanme fëod.

Fin

Soa fin a l'é rivà cand la dinastìa Qing a l'avìa dësblà tut i rampar russ al finagi, a part Albazino. Apress n'assedi e 'l tratà 'd Nerchinsk dël 1674, Jaxa a l'é stàita giontà ai Qing e dësblà.