Ìsole Boromée

Arsipélagh ant ël lagh Magior, componù da le ìsole Bela, dij Pëscador, Mare, da l'isolin ëd San Gioann
e lë scheuj dla Malghera.

Avosà për sò giardin botànich e ij sò palass fiamengh.

Geografìa

L'arsipélagh as spantia mach dzora 0,18 km², e a conta men ëd sent abitant.

Le isole Bela, dij Pëscador, Mare e lë scheuj dla Malghera a fan part dla comun-a 'd Stresa, antratan che l'isolin ëd San Gioann a l'é 'd Verbania.

Ël microclima pasi tìpich dle ìsole a l'ha përmëttù 'l giardin botànich e la presensa 'd diferente ëspece esòtiche.

Stòria

L'area d'anviron, a l'era dominà da la famija nòbila milanèisa Boromé, dont l'arsipélagh a pija 'l nòm.

• L'ìsola Mare, la pi gròssa, catà dai Boromé dël 1501, a l'ha dënans logià un vërzé, peuj vnu giardin botànich, ansem a sò palass. Ancora proprietà dij Boromé.
• L'ìsola Bela, catà dai Boromé, dël 1630 a l'é ancaminasse ambelessì ël batiment ëd palass Boromé. Ancora proprietà dij Boromé.
• L'ìsola dij pëscador a l'é mai vnua part dle tere dij Boromé, a l'é 'dcò l'ùnica a avej mantenù na comunità sl'ìsola, ancheuj la pi gròssa, d'adoss gropà a la pësca.
• L'isolin ëd San Gioann a l'é n'ìsola privà, sùbit dnans a Pallansa, a l'é stàit la meison ëd Arturo Toscanini për tant agn.
• Lë scheuj dla Malghera a l'é dësabità ma a l'é stranomà l'isolin dj'an-namorà, an càusa a soa pcita riva e soa vegetassion ch'a përmëttìa 'd stërmesse a le cobie.