Attila Ambrus

Nassù ant la campagna dla Transilvania an Romanìa dël 1967, da na famija s'etnìa Szekely, visadì 'd rumen d'adoss, lenga e tradission ungherèise.

Chërsù an miseria e discriminà për soa adoss, con pare e mare assent e soa granda, mòrta quand chiel a l'avìa 10 agn.
A l'é stàit donch possà vers ij robarissi, ch'a l'han mnalo ant la përzon minoril.

A l'ha traversà 'l finagi pa legalment vers l'Ungherìa, an ciamand arfugi polìtich. Belessì, a l'é ancaminasse a fé 'l guardian ëd na palestra d'hockey sla giassa, peuj intrërà ant l'echip.

A l'é avosà për na serie 'd 27 roberìe an uffisi postaj e banche dal 1993, për un botin stimà a mes milion ëd dòlar merican; stranomà 'l bandì dël wisky, ch'a beivìa vzin ai leu da robé marlàit dnans.

Për tut ël perìod dle roberìe a l'ha tavòta giuvà a hockey sla giassa an prima division ungherèisa.

A l'é stàit ciapà da la polissìa dël 1999 ma a l'é scapà da na përzon, con linseul e còrda, dont gnun a l'era mai scapà. A l'é peuj torna stàit ciapà e butà ant na përzon ëd màssima sicurëssa, dont a l'é seurtì sël bon mòt dël 2013.

Belessì a l'ha amparà l'art dla siràmica, ch'ancheuj a dòvra për travaj an Romanìa.