Slow Food

Organissassion ch'a sponsorisa le tradission e la sovranità dël mangé ant ël mond.

Limassa monumental a Bra,
mistà dlë Slow Food

Slow Food a l'é stàita fondà a Bra dël 1986 dal local Carl Pertin, ël midem fondator ëd Tèra Mare.

Soa mistà a l'é la limassa e sò nòm a veul dì "Mangé meusi" visadì 'l contrari dël fast food.

Valor

A l'é stàita l'arspòsta ai fast food, visadì a le chèine 'd mangé 'd strà.

Ij sò but a son la tùa dël mangé local, (arsete e la fasson ëd prontelo), ansem a la coltivassion e l'anlevament ëd ëspece tìpiche dël leu.

As bate contra l'arlan dël mangé e dël dovragi d'OGM (Organism Geneticament Mudà).

L'organissassion a sosten-e 'dcò ij pcit òsto e le pcite bòite, visavì a le multinassional e le gròsse chèine.

Stòria

Slow Food a l'é nassùa cand dël 1986 McDonald's a volìa durbì n'òsto vzin a Piassa d'Ëspagna a Roma e un moviment d'oposission a l'é batisse.

Ancheuj a l'é chërsùa fin-a conté 100 mila mémber.

Assion

Arca dël gust

Catàlogh ëd spantiamondial ch'a mostra tùi ij piat e le rasse animal e 'd piante da goerné.

Tèra Mare

Tèra Mare a l'é un pensament ch'a uniss përson-e da diferent leu dël mond ch'a batajo për la tùa dla sovranità dël mangé.

A-i é 'dcò un di dedicà a cost, ciamà Di Tèra Mare, managià minca ann a Turin, andoa a-i son manca banch ch'a vendo e a fan conòsse 'l mangé tìpich dla zon-a 'd adoss.

Slow Food Editor

A pùblica lìber dzor j'òsto ch'a smon-o piat dla tradission.

Università 'd siense dël mangé

Fondà dël 2004 da Slow Food, agiutà da Piemont e Emilia-Romagna.

Presidi

Marche assegnà a dontré prodòt ëd mangé, rasse animal e 'd piante an via 'd dësmortasse, për mostré che col prodòt a l'ha cheicòs an pi e për goernelo da la contrafassion e da lë siangaj.

Sitàslow

Pensament ch'a gropa diferente comun-e për la tùa dël mangé tìpich, dle tradission, dl'anvironment e dl'ëstil ëd vita pasi.