Leonard da Vinci

Nassù dël 1452 a Vinci, an provinsa 'd Florensa, a l'é stàit në studios e artista ant un gròss nùmer ëd
camp, a l'é avosà tanme un dij geni pi important ch'ël mond a l'abia vëjù.

A l'era fieul nen legìtim; da bòcia a l'é ancaminasse a travajé për na bòita an amprendend l'art e l'angignerìa.

Dël 1482 a l'é tramudasse a Milan a la cort djë Sforza, tanme angigné militar; a l'ha 'dcò piturà la Vèrgin dle Ròche e a l'ha finì l'Ùltima Sin-a.

Apress tape a Florensa e Roma a l'ha finì sò agn an Fransa, ant la cort real, an vendendje la Gioconda.

An soa vita, Leonard a l'é stàit siensià, filòsof, architet, pitor, scultor, disegnador, matemàtich, anatomìsta, botànich, musicista, geòlogh, angigné e progetista.

A l'é arcordà për ël nùmer d'anvension e proget pensà, tra cost:

• Màchina volanta ò ornitòter: velìvol ch'a l'é pensà për volé an batend le ale, tanme n'osel.
• Paracadute.
• Salvagent.
• Cher armà 'd Leonard: na cùpola an bòsch con canon për minca banda.
• Cher automotor: cé dla vitùra, pensà për bogé senté l'energìa prodùa da dj'arsòrt.
• Pont ch'as sosten da sol: an bòsch, pensà për tenesse con anchërne, sensa bròche.
• Scafànder: muda për mojansa.
• Sivalié robot: a bogeva senté gav, ingranagi e pèis.
• Vis aérea: cé dl'elicòter.
• Balista ch'a franda pere: rivisitassion dla tirapere, për fela frandé pere tanme sajëtte.

Leonard a l'era pa religios e miraco a l'era cùpio, a l'ha nen avù fomne ò fieuj; tute drolarìe për ij temp.